Nagdagdag kami ng mahigit 20 presumptive condition na dulot ng pagkahantad sa burn pit at iba pang nakakalasong bagay batay sa PACT Act. Pinalalawak ng pagbabagong ito ang mga benepisyo para sa mga Beterano noong mga panahon ng Gulf War at post-9/11.

Ipinagpapalagay na ngayon ang mga kanser na ito:

• Kanser sa utak
• Anumang uri ng kanser sa sikmura at bituka
• Glioblastoma
• Anumang uri ng kanser sa ulo
• Kanser sa bato
• Anumang uri ng kanser sa sistemang limpatiko
• Anumang uri ng lymphoma
• Melanoma
• Kanser sa leeg
• Kanser sa pancreas
• Anumang uri ng kanser sa mga bahagi sa pag-aanak
• Anumang uri ng kanser sa palahingahan (nauugnay na paghinga)

Ipinagpapalagay na ngayon ang mga sakit na ito:

• Hika na na-diagnose pagkatapos ng serbisyo
• Hindi gumagaling na bronchitis
• Chronic obstructive pulmonary disease (COPD)
• Hindi gumagaling na rhinitis
• Hindi gumagaling na sinusitis
• Constrictive bronchiolitis o obliterative bronchiolitis
• Emphysema
• Granulomatous disease
• Interstitial lung disease (ILD)
• Pleuritis
• Pulmonary fibrosis
• Sarcoidosis

Alamin pa ang tungkol sa iba pang mga presumptive condition dahil sa mga mapanganib na materyal na kung saan maaari kang maging eligible para sa pangangalaga at mga benepisyo (sa Ingles)

Kung naglingkod ka sa alinman sa mga lokasyong ito at ng mga haba ng panahon, napagpasyahan naming nahantad ka sa mga burn pit at iba pang nakakalasong bagay. Tinatawag natin itong pagkakaroon ng presumption of exposure.

Noong o pagkatapos ng Setyembre 11, 2001, sa alinman sa mga lokasyong ito:

• Afghanistan
• Djibouti
• Egypt
• Jordan
• Lebanon
• Syria
• Uzbekistan
• Yemen
• Sa himpapawid ng alinman sa mga lokasyong ito

Noong o pagkatapos ng Agosto 2, 1990, sa alinman sa mga lokasyong ito:

• Bahrain
• Iraq
• Kuwait
• Oman
• Qatar
• Saudi Arabia
• Somalia
• Ang United Arab Emirates (UAE)
• Sa himpapawid ng alinman sa mga lokasyong ito

Oo. Nagdadagdag ang PACT Act ng mga bagong presumptive condition. Ngunit mayroon ding marami pang ibang mga kondisyong pangkalusugang ipinagpapalagay naming dulot ng paghantad sa mga nakalalason (o mapanganib) na materyal. Kung mayroon kang alinman sa ibang mga kondisyong ito, maaari kang maging eligible para sa health care o mga benepisyo.

Alamin ang tungkol sa iba pang mga presumptive condition batay sa pagkahantad sa mga mapanganib na materyal (sa Ingles)

Pinalalawig at pinalalawak namin ang eligibility sa VA health care batay sa PACT Act. Hinihikayat ka naming mag-apply, anuman ang iyong separation date. Nakadepende ang iyong eligibility sa kasaysayan ng iyong serbisyo at iba pang mga salik.

Kung natugunan mo ang mga kinakailangang nakalista rito, makakakuha ka ng libreng VA health care para sa anumang kondisyong nauugnay sa iyong serbisyo na hanggang 10 taon mula sa petsa ng iyong pinakakamakailang discharge o separation. Maaari ka ring mag-enrol sa anumang oras sa panahong ito at makuha ang pangangalagang kailangan mo, ngunit maaari kang magbayad ng copay para sa ilang pangangalaga.

Hindi bababa sa isa sa mga ito ang kailangang maging totoo tungkol sa iyong active-duty na serbisyo:

• Naglingkod ka sa isang theater of combat operations sa panahon ng giyera pagkatapos ng Persian Gulf War, o
• Naglingkod ka sa pakikilaban laban sa pwersa ng kaaway sa panahon ng mga alitan pagkatapos ng Nobyembre 11, 1998

At kailangang totoo ito para sa iyo:

• Na-discharge o nakalabas ka noong o pagkatapos ng Oktubre 1, 2013

Hinihikayat ka naming mag-enrol na ngayon para makapagbigay kami ng anumang pangangalagang maaaring kailanganin mo sa ngayon o sa hinaharap. Libre ang pag-enrol.

Kung natutugunan mo ang mga kinakailangan na nakalista rito, makakatanggap ka ng pangangalaga at makakapag-enrol sa special enrollment period sa pagitan ng Oktubre 1, 2022, at Oktubre 1, 2023.

Hindi bababa sa isa sa mga ito ang kailangang maging totoo tungkol sa iyong active-duty na serbisyo:

• Naglingkod ka sa isang theater of combat operations sa panahon ng giyera pagkatapos ng Persian Gulf War, o
• Naglingkod ka sa pakikilaban laban sa pwersa ng kaaway sa panahon ng mga alitan pagkatapos ng Nobyembre 11, 1998

At kailangang totoo para sa iyo ang dalawang ito:

• Na-discharge o nakalabas ka sa pagitan ng Setyembre 11, 2001, at Oktubre 1, 2013, at
• Hindi ka dating naka-enrol sa VA health care

Hinihikayat ka naming mag-apply sa loob ng 1 taon ng panahong ito para makapagbigay kami sa iyo ng anumang pangangalagang maaaring kailanganin mo sa ngayon o sa hinaharap. Libre ang pag-enrol. At maaari ring maging libre ang iyong pangangalaga.

Batay sa PACT Act, nagdagdag kami ng 2 presumptive conditions sa Agent Orange:

• Mataas na presyon ng dugo (tinatawag ding hypertension)
• Monoclonal gammopathy of undetermined significance (MGUS)

Maaari ka ring maging eligible para sa kompensasyon sa kapansanan batay sa iba pang mga presumptive condition na dulot ng Agent Orange. Kabilang sa mga kondisyong ito ang mga partikular na kanser, type 2 diabetes, at iba pang mga sakit.

Kumuha ng listahan ng iba pang mga presumptive condition na dulot ng Agent Orange (sa Ingles)

Kung sa tingin mo ay eligible ka para sa VA health care at mga benepisyo, hinihikayat ka naming mag-apply na ngayon.

Oo. Nagdadagdag ang PACT Act ng mga bagong presumptive condition. Ngunit mayroon ding marami pang ibang mga kondisyong pangkalusugang ipinagpapalagay naming dulot ng paghantad sa mga nakalalason (o mapanganib) na materyal. Kung mayroon kang alinman sa ibang mga kondisyong ito, maaari kang maging eligible para sa health care o mga benepisyo.

Alamin ang tungkol sa iba pang mga presumptive condition batay sa pagkahantad sa mga mapanganib na materyal (sa Ingles)

Idinagdag namin ang 5 bagong lokasyong ito sa listahan ng mga presumptive location:

• Saanmang U.S. o Royal Thai military base sa Thailand mula Enero 9, 1962, hanggang June 30, 1976 
• Laos mula Disyembre 1, 1965, hanggang Setyembre 30, 1969
• Cambodia sa Mimot o Krek, Kampong Cham Province mula Abril 16, 1969, hanggang April 30, 1969
• Guam o American Samoa o sa mga teritoryong anyong tubig mula sa Guam o American Samoa mula Enero 9, 1962, hanggang July 31, 1980
• Johnston Atoll o nasa isang barkong nakadaong sa Johnston Atoll mula Enero 1, 1972, hanggang Setyembre 30, 1977

Kung naglingkod ka bilang active duty sa alinman sa mga lokasyong ito, awtomatiko naming aakalain (o “ipagpapalagay”) na nahantad ka sa Agent Orange.

Idinagdag namin ang 3 bagong pagsusumikap na pagresponde sa listahan ng mga ipinagpapalagay na lokasyon:

• Paglilinis ng Enewetak Atoll, mula Enero 1, 1977, hanggang Disyembre 31, 1980
• Paglilinis ng Air Force B-52 bomber na may dalang mga nuklear na sandata sa labas ng baybayin ng Palomares, Spain, mula Enero 17, 1966, hanggang Marso 31, 1967
• Pagresponde sa sunog habang sakay ng isang Air Force B-52 bomber na may dalang mga nuklear na sandata malapit sa Thule Air Force Base sa Greenland mula Enero 21, 1968, hanggang Setyembre 25, 1968

Kung nakibahagi ka sa alinman sa mga pagsusumikap na ito, awtomatiko naming aakalain (o “ipagpapalagay”) na nahantad ka sa radiation.

Mayroon ding iba pang mga lokasyon kung saan ipinagpapalagay naming nahantad ka sa radiation. Kung naglingkod ka sa alinman sa mga lokasyong ito, maaari kang maging eligible para sa health care o mga benepisyo.

Kumuha ng listahan ng iba pang mga presumptive location ng radiation (sa Ingles)

Kung naglingkod ka bilang active duty sa alinman sa mga lokasyong ito at sa mga panahong ito, eligible ka na ngayong mag-apply para sa VA health care:

• Sa Republic of Vietnam sa pagitan ng Enero 9, 1962, at Mayo 7, 1975
• Thailand sa alinmang base militar ng Estados Unidos o Royal Thai sa pagitan ng Enero 9, 1962, at Hunyo 30, 1976 
• Laos sa pagitan ng Disyembre 1, 1965, at Setyembre 30, 1969
• Mga partikular na probinsya sa Cambodia sa pagitan ng Abril 16, 1969, at Abril 30, 1969
• Guam o American Samoa (o kanilang mga dagat teritoryal) sa pagitan ng Enero 9, 1962, at Hulyo 31, 1980
• Johnston Atoll (o sa barkong nakadaong sa Johnston Atoll) sa pagitan ng Enero 1, 1972, at Setyembre 30, 1977

Kung hindi ka pa nakakapag-file ng claim para sa presumptive condition, maaari ka na ngayong mag-file ng claim online. Maaari ka ring mag-file sa pamamagitan ng koreo, nang personal, o sa tulong ng isang may kasanayang propesyonal.

Mag-file para sa VA disability compensation online (sa Ingles)

Alamin pa ang tungkol sa kung paano mag-file ng disability compensation claim (sa Ingles)

Kung tinanggihan namin ang iyong disability claim sa nakaraan at itinuturing na naming ipinagpapalagay ang iyong kondisyon ngayon, maaari kang magsumite ng Supplemental Claim. Muli naming pag-aaralan ang iyong kaso.

Alamin kung paano mag-file ng Supplemental Claim (sa Ingles)

Hinihikayat ka naming mag-file ng Supplemental Claim. Kapag nakatanggap kami ng Supplemental Claim, pag-aaralan namin ang claim sa ilalim ng bagong proseso.

Alamin kung paano mag-file ng Supplemental Claim (sa Ingles)

Tandaan: Kung tinanggihan namin ang iyong claim sa nakaraan at sa tingin namin ay maaaring eligible ka na ngayon, susubukan naming makipag-ugnayan sa iyo. Ngunit hindi mo na kailangang hintayin pa kaming makipag-ugnayan sa iyo bago ka mag-file ng Supplemental Claim.

Wala kang kailangang gawin. Kung idinagdag namin ang iyong kondisyon pagkatapos mong i-file ang iyong claim, ituturing pa rin namin itong ipinagpapalagay. Padadalhan ka namin ng paunawa ng desisyon kapag nakumpleto na namin ang aming pag-aaral.

Oo. Itinuturing naming ipinagpapalagay ang lahat ng presumptive condition na itinakda ng PACT Act sa petsang isinabatas ang panukalang batas.

Kung sa tingin mo ay maaaring eligible ka para sa VA health care o mga benepisyo, hinihikayat ka naming mag-apply na ngayon.

Hinihikayat namin ang lahat ng mga Beterano at naulila na mag-file na ngayon para sa mga benepisyo. Sisimulan na naming iproseso ang mga benepisyong nauugnay sa PACT Act sa Enero 2023. Kailangan naming maghintay para sa pag-apruba ng Kongreso sa pagpopondo at maitakda ang mga kinakailangang sistema bago namin iproseso ang mga claim na ito.

Kung mag-a-apply ka para sa mga benepisyo sa anumang panahon sa susunod na taon at ginawaran namin ang iyong application, malamang na i-backdate namin ang iyong mga benepisyo sa petsa ng paglagda ng batas. Ibig sabihin, babayaran ka namin sa halagang matatanggap mo sana mula noong Agosto 10, 2022, hanggang sa petsang ginawaran namin ang iyong application.

May mga screening para sa toxic exposure sa mga pasilidad na pangkalusugan ng VA sa buong bansa.

Ang bawat Beteranong naka-enroll sa VA health care ay tatanggap ng isang paunang screening at isang follow-up na screening nang hindi bababa sa isang beses kada 5 taon. Ang mga Beteranong hindi naka-enroll at tumutugon sa mga kinakailangan para sa eligibility ay magkakaroon ng oportunidad na mag-enroll at tumanggap ng screening.  

Itatanong sa iyo sa screening kung sa tingin mo ay nahantad ka sa alinman sa mga panganib na ito habang naglilingkod:

• Mga nakalantad na burn pit at iba pang mga panganib sa hangin
• Mga pagkahantad na nauugnay sa Gulf War
• Agent Orange
• Radiation
• Pagkahantad sa kontaminadong tubig sa Camp Lejeune
• Iba pang mga pagkahantad

Pagkatapos ay bibigyan ka namin ng impormasyon tungkol sa anumang mga benepisyo, registry exams (medikal na pagsusuri sa mga maaaring nahantad), at klinikal na sanggunian na maaaring kailanganin mo.

Magtanong tungkol sa screening sa iyong susunod na appointment sa VA health care. Kung wala kang appointment sa hinaharap, o kung gusto mong magpa-screening agad, makipag-ugnayan sa iyong lokal na pasilidad na pangkalusugan ng VA. Hilingin na ma-screen ng screening navigator para sa toxic exposure.

Oo. Kung ikaw ang naulilang kapamilya ng isang Beterano, maaari kang maging eligible sa mga benepisyong ito:

• Isang buwanang kabayaran ng VA Dependency and Indemnity Compensation (VA DIC). Maaari kang maging kwalipikado kung ikaw ang naulilang asawa, dependent na anak, o magulang ng Beteranong namatay sa kapansanang nauugnay sa serbisyo. 
  Alamin kung paano mag-apply para sa VA DIC (sa Ingles)
• Isang beses na kabayaran ng mga naipong benepisyo. Maaari kang maging kwalipikado kung ikaw ang naulilang asawa, dependent na anak, o dependent na magulang ng Beteranong may mga hindi pa nababayarang benepisyo noong siya ay pumanaw.
  Alamin ang tungkol sa ebidensyang kailangan para sa mga naipong benepisyo (sa Ingles)
• Pensyon ng mga Naulila. Maaari kang maging kwalipikado kung ikaw ang naulilang asawa o anak ng Beteranong naglingkod noong panahon ng giyera.
  Alamin kung paano mag-apply para sa Pensyon ng mga Naulila (sa Ingles)

Maaari kang magsumite ng bagong aplikasyon para sa VA dependency and indemnity compensation (VA DIC).

Alamin ang tungkol sa VA DIC at kung paano mag-apply (sa Ingles)

Tandaan: Kung tinanggihan namin ang iyong claim sa nakaraan at sa tingin namin ay maaaring eligible ka na ngayon, susubukan naming makipag-ugnayan sa iyo. Maaari naming muling suriin ang iyong claim. Ngunit hindi mo na kailangang hintayin pa kaming makipag-ugnayan sa iyo bago ka muling mag-apply.

Maaari kang maging eligible sa mga benepisyo sa VA na ito bilang naulilang kapamilya ng Beterano:

• Mga benepisyo at ginagamit sa pagpapalibing gaya ng puntod sa VA national cemetery o libreng lapida, marker, o medalyon.
• Pantustos sa pagpapalibing na makakatulong sa mga gastos ng Beterano sa pagpapalibing at punerarya. Maaari kang maging kwalipikado kung ikaw ang naulilang asawa, katuwang, anak, o magulang ng Beterano.
• Edukasyon at training. Maaari kang maging kwalipikado kung ikaw ang naulila ng Beteranong namatay habang nasa tungkulin o bilang resulta ng mga kapansanang nauugnay sa serbisyo.
• Health care sa pamamagitan ng Civilian Health and Medical Program of the Department of Veterans Affairs (CHAMPVA). Maaari kang maging kwalipikado kung ikaw ang naulila o dependent ng Beteranong may kapansanang nauugnay sa kapansanan.
• Home loan na suportado ng VA. Maaari kang maging kwalipikado kung ikaw ang naulilang asawa ng Beterano.

Alamin pa ang tungkol sa mga benepisyo ng kapamilya (sa Ingles)